露營季開始，露營癮止都止唔到，師兄週末夜入露一露，馬上答應。
上到去山頭差不多夜晚10點，都有另外一兩個營札駐。日頭有微雨，好彩夜晚還算天朗氣清。眺望遠處，清晰見到萬家燈火同零星島嶼，好靚。一週工作的疲憊呢一刻一掃而空。大自然就係最好的療癒師。
快閃露當然要帶最輕量的Gear，成個行裝總重量約4KG，相當OK。
晚餐隨便食，煎餃子永遠不會出錯，加上星洲炒米，簡單但滿足。食飽飯，吹吹水，飲飲酒，不知不覺已經凌晨一點幾。晚上睡得很不錯，第二日朝早6點幾自然醒，蒸點心拼盤做早餐，之後就執嘢走。
輕量化裝備就有呢個好處，pack同unpack都輕鬆Ｄ，變相會令人更加更想成日去露。 ：）
